सरकारले आगामी वैशाखमै स्थानीय निर्वाचन गर्ने भएकाे छ ।
सरकार सञ्चालनका लागि गठित पाँच दलीय समन्वय समितिकाे बैठकले संविधानमा व्यवस्था भए अनुसार वैशाखमै स्थानीय निर्वाचन हुनुपर्ने सहमति जुटाएकाे छ ।
बैठक आज बिहान प्रधानमन्त्री निवास बालुवाटारमा बसेकाे थियाे । जसमा स्थानीय तहकाे निर्वाचनबारे छलफल भएकाे थियाे ।
सरकारका प्रवक्ता सञ्चार तथा सूचना प्रविधिमन्त्री ज्ञानेन्द्रबहादुर कार्कीले निर्वाचन समयमै सम्पन्न गर्ने सहमति जुटेकाे बताए ।
यसबारे थप गृहकार्य गरी पुनः बैठक बस्नेछ ।
निर्वाचन आयोगले आगामी वैशाख १४ र २२ गते स्थानीय तहको निर्वाचन गर्नुपर्ने सुझाव सरकारलाई दिएको थियाे ।
बैठकमा माघ १२ गते हुन गइरहेको राष्ट्रिय सभाको निर्वाचनमा गठबन्धनको जीत कसरी सुनिश्चित गराउने भन्नेबारे पनि छलफल भएको छ ।