Wednesday, February 8, 2023
11.8 C
Diktel

जसपामा विवाद चर्किएकाे बेला आँखा चुनाव चिन्ह राखेर नयाँ पार्टी दर्ता

जनता समाजवादी पार्टी (जसपा) भित्र विवाद भइरहेका बेला निर्वाचन आयोगमा आँखा चुनाव चिन्ह राखेर ‘समावेशी लोकतान्त्रिक पार्टी’ दर्ता गरिएको छ ।

आँखा चुनाव चिन्ह जसपाका संघीय परिषद् अध्यक्ष डा. बाबुराम भट्टराई नेतृत्वको तत्कालीन नयाँ शक्ति पार्टीको थियो ।

हाल उक्त चुनाव चिन्ह राखेर दीपक लामिछानेको अध्यक्षतामा पार्टी दर्ता गरिएको हो ।

जसपाभित्र हाल विधानमा व्यवस्था भए अनुसार रिक्त रहेको एक अध्यक्ष पदमा वरिष्ठ नेता अशोक राईलाई ल्याउने प्रस्ताव आउँदा विवाद पैदा भएको छ ।

जसपाका केन्द्रीय समिति अध्यक्ष उपेन्द्र यादव यसका लागि तयार छैनन् । डा. भट्टराई पक्षले पार्टी महाधिवेशनसम्मका लागि भए पनि खाली रहेको पदपूर्ति गर्नुपर्नेमा जोड दिएको छ ।

यसका साथै जसपाभित्र एमसीसीका विषयमा पनि मतान्तर छ । डा. भट्टराई पक्षले एमसीसी संसदबाट पास गर्नुपर्ने बताइरहेको छ भने यादव पक्ष मौन देखिएको छ ।

एमसीसीबारे वरिष्ठ नेता राईले भने नेपालकाे हितविपरीत रहेकाे एमसीसीका सर्तहरु संशोधन भए स्वीकार गर्न सकिने बताएका छन् ।

यद्यपि, एमसीसीबारे जसपाले हालसम्म औपचारिक छलफल तथा निर्णय गरेकाे छैन ।

जसपाभित्र यसरी विवाद तथा मतान्तर भइरहेका बेला आँखा चुनाव चिन्ह राखेर पार्टी दर्ता हुनुलाई अर्थपूर्ण मानिएको छ ।

समावेशी लोकतान्त्रिक पार्टी जसपा नेतृ हिसिला यमीले नै दर्ता गर्न लगाएको समाचार पनि आइरहेका छन् ।

जसपाका केन्द्रीय सदस्य पूर्ण बस्नेतले पनि यसबारे सामाजिक सञ्जालमा उल्लेख गरेका छन् । यिनै विवादका कारण अब जसपा फुट्न सक्ने टिप्पणी गरिएकाे छ ।

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्