Sunday, December 4, 2022
16.9 C
Diktel

जसपा नेता गणेशमान गुरुङ एमालेमा प्रवेश

Subtitle

जनता समाजवादी पार्टीका केन्द्रीय सदस्य तथा गण्डकी प्रदेशका इन्चार्ज गणेशमान गुरुङ नेकपा एमालेमा प्रवेश गरेका छन् ।

शुक्रबार पोखरामा आयोजित कार्यक्रममा एमाले अध्यक्ष केपी शर्मा ओलीले गुरुङलाई स्वागत गरेका छन् ।

एमालेमा प्रवेश गरेसँगै उनले अहिलेको नेता केपी ओली नै रहेको जिकिर गरे ।

उनले भने, ‘अहिलेको नेता भनेको केपी ओली हो । हाम्रो गुरुङहरु भन्छन् मलायाको लाहुरे पो लाहुरे, अरु के लाहुरे र ? त्यसरी नै अरु के पार्टी ? एमाले पो पार्टी, अरु के नेता ? केपी ओली पो नेता ।’

उनले अबको जीवन एमालेमा रहेर बिताउने घोषणा पनि गरे ।

गुरुङ अशोक राईको नेतृत्वमा संघीय समाजवादी पार्टी निर्माण हुँदादेखि नै जनजाति आन्दोलनमा लागेका थिए ।

हाल जनता समाजवादी पार्टी विवाद र विभाजनको अवस्थामा पुगेका बेला उनी एमालेमा गएका हुन् ।

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्