जनता समाजवादी पार्टीको विधान अधिवेशन आगामी २०७९ असार १ र २ गते गरिने भएको छ ।
जसपाको गत फागुन १६ गते बसेको केन्द्रीय कार्यकारिणी समितिको बैठकले विधान अधिवेशनको मिति तोकेको हो ।
यसैगरी जसपाको संघीय परिषद्को बैठक आगामी फागुन २८ गते गर्ने निर्णय गरिएको छ । उक्त बैठक लगत्तै फागुन २९ र ३० गते केन्द्रीय समितिको बैठक बस्ने निर्णय गरिएको छ ।
जसपाका केन्द्रीय कार्यालयका प्रमुख प्रकाश अधिकारीले हिजो प्रेस नोट जारी गरी बैठकको निर्णय सार्वजनिक गरेका हुन् ।
बैठक सञ्चालन हुने स्थान र समय भने हाल तोकिएको छैन ।
