कलाकार प्रदीप पाठक जनता समाजवादी पार्टीमा प्रवेश गरेका छन् ।
आज जसपाका वरिष्ठ नेता अशोक राईले काठमाडौंको बुद्धनगरस्थित आफ्नै निवासमा कलाकार पाठकलाई अविरको टीका र खादा लगाएर पार्टीमा स्वागत गरेका छन् ।
कलाकार पाठक माओवादी केन्द्रका अध्यक्ष पुष्पकमल दाहाल प्रचण्डको क्यारीक्याचर गर्दथे ।
उनले थुप्रै कार्यक्रममा प्रचण्डको भूमिकामा कला देखाएका थिए ।
काभ्रेस्थित तेमाल गाउँपालिका–१ घर भएका कलाकार पाठक जसपाका संघीय परिषद् सदस्य धनबहादुर तामाङको पहलमा जसपा प्रवेश गरेका हुन् ।
सो क्रममा जसपाका वरिष्ठ नेता राईले पार्टीको विचारबारे जानकारी गराउँदै प्रतिवद्ध भएर लाग्नका लागि शुभकामना दिए ।
आगामी वैशाख ३० गते हुने स्थानीय तहको निर्वाचनमा पाठक वडाअध्यक्षको उम्मेदवार बन्ने बताइएको छ ।
[email protected]
प्रदिप पाठक सर लाई सबैले सपोर्ट गरौ
मेरो तर्फबाट fULL SUPPORT XA .