पाँच दलीय सत्तारुढ गठबन्धनले सातवटै प्रदेशकाे राजधानीमा संयुक्त चुनावी सभा गर्ने भएको छ ।
नेपाली कांग्रेसका वरिष्ठ नेता रामचन्द्र पौडेल संयोजक रहेको स्थानीय तह निर्वाचन आन्तरिक तयारी तथा अनुगमन समितिको बिहीबार बसेको बैठकले वैशाख ३० गते हुने स्थानीय निर्वाचनका लागि सात प्रदेशमै गठबन्धनको संयुक्त चुनावी सभा गर्ने निर्णय गरेको हो ।
चुनावी सभा धनगढीबाट सुरु गरेर काठमाडाैंमा समापन गरिने छ ।
धनगढी र सुर्खेतमा वैशाख १८ गते, बुटवल र पोखरामा १९ गते, विराटनगर र जनकपुरमा २० गते र काठमाडौंमा २० गते चुनावी सभा गरिने छ ।
चुनावी सभालाई गठबन्धन दलका प्रमुख नेता र संयोजकसमेत गरी ६ जना शीर्ष नेताले सम्बोधन गर्नेछन् ।
