चर्चित टेलिभिजन प्रस्तोता रवि लामिछानेले पत्रकारिता छोडेर राजनीतिमा आएको र अबको निर्वाचनमा उम्मेदवार बन्ने घोषणा गरेका छन् ।
जनता समाजवादी पार्टीका केन्द्रीय सदस्य भगवान चाम्लिङले भने धरान उपमहानगर र काठमाडौं महानगरका नवनिर्वाचित मेयर हर्क साम्पाङ र बालेन साहको लोकप्रियतामा लोभिएरै रवि लामिछाने राजनीतिमा छिरेको टिप्पणी गरेका छन् ।
तर, देशको विकास रवि लामिछाने वा गगन थापा जस्ता नेता आए पनि उनीहरुले नगर्ने चाम्लिङको जिकिर छ ।
उनले इमान्दार समुदायका युवाहरु अघि बढेमात्रै देश बन्ने बताए ।
‘हामीलाई न त गगन थापा जस्तो न त रवि लामिछाने जस्तो युवा नेताको आवश्यक छ,’ सामाजिक सञ्जालमा उनले भनेका छन्, ‘यी दुवै जना नेपाली र नेपालको भूमिलाई आवश्यक छैन । हर्क साम्पाङ र बालेन साहको लोकप्रियताले यिनीहरु आत्तिएका छन्, लोभिएका छन्, भित्रभित्रै जलेका छन् ।’
भोलिका दिनमा प्रधानमन्त्री नै भइएला कि भनेर रवि लामिछाने हौसिएको उनको टिप्पणी छ । उनले देश विकास गर्ने युवा नेतृत्व खोज्ने हो भने पहिला उसको नश्ल र संस्कृति हेर्नुपर्ने बताए ।
यसअघि बीबीसी नेपाली सेवामा कार्यरत पत्रकार रविन्द्र मिश्र पनि पत्रकारिता छोडेर राजनीतिमा आएका हुन् ।
उनी वैकल्पिक राजनीति गर्ने भन्दै आएको भए पनि अन्ततः उनले राजतन्त्र र हिन्दुराज्यलाई एजेन्डा बनाएका छन् ।
हाल उनी राजेन्द्र लिङदेन नेतृत्वको राप्रपामा प्रवेश गर्ने तयारी गरिरहेको सुनिएको छ । सुरुमा राजनीतिमा छिर्दा मिश्रसँग धेरैले आशा गरेका थिए ।
नेपालका पार्टि हरुले पार्टिमा वरियता क्रम भंग किन गर्छन् जब अन्य विधाबाट आयर लगानि न भुक्तानि डाईरेक्ट केन्द्रिय लेवलको वरियतामा राखेर मन्त्रीको लाईन रे
अनि सदियौ वाडबाट नगर नगरबाट जिल्ला जिल्लाबाट बल्ल तल्ल केन्द्र तिर संसद मन्त्रि त कहिले हो हो
तर यी मौकामा चौका हान्ने भातमारा हरु साचै राजनिति गर्छन् भने वाडबाट लडेर माथि आउ भन्नु पर्दैन हॅं?