जनता समाजवादी पार्टीका संघीय परिषद् अध्यक्ष डा. बाबुराम भट्टराईले हाल पार्टीभित्र चार प्रमुख विवाद रहेको बताएका छन् ।
डा. भट्टराई र उपेन्द्र यादवबीचको विवादले जसपा फुटको संघारमा पुगेको बेला भट्टराईले आफूहरुको विवाद ‘व्यक्तित्वको टकराव’ले नभएको जिकिर गरे ।
पूर्वप्रधानमन्त्रीसमेत रहेका नेता भट्टराईले हिजो ट्वीट गर्दै भनेका छन्, ‘पार्टीभित्रको बहसलाई फगत व्यक्तित्वको टक्करका रुपमा प्रस्तुत गर्नु ठीक हैन । जसपाभित्रको बहसको मुद्दा यी हुन्; क्षेत्रीय कि राष्ट्रिय पार्टी ? सनातनी सत्तामुखी राजनीति कि रुपान्तरणकारी राजनीति ? एकल नेतृत्व कि समावेशी सामूहिक नेतृत्व ? विधिसंगत कि स्वेच्छाचारी कार्यशैली ?’
पार्टीभित्रको वहसलाई फगत व्यक्तित्वको टक्करका रूपमा प्रस्तुत गर्नु ठीक हैन!जसपाभित्रको वहसका मुद्दा यी हुन्ःक्षेत्रीय कि राष्ट्रिय पार्टी? सनातनी सत्तामुखी राजनीति कि रूपान्तरणकारी राजनीति?एकल नेतृत्व कि समावेसी सामुहिक नेतृत्व? विधिसंगत कि स्वेच्छाचारी कार्यशैली? बहस नै फुट हैन! https://t.co/r1eCLdMAkt
— Baburam Bhattarai (@brb1954) June 30, 2022
