धरान-१३ की उषा राईकाे मृत्यु प्रकरणका आरोपितहरुलाई जिल्ला प्रहरी कार्यालय धरानले मंगलबार सार्वजनिक गरेको छ ।
प्रहरीले हत्यामा संलग्न रहेको धरान वडा नं १३ सुर्यमार्ग बस्ने मुख्य आरोपी उर्मिला राई, सोही ठाउँ बस्ने रत्न लिम्बु, सुमित्रा राई र सुशेली राईलाई सार्वजनिक गरेकाे हाे ।
अन्य आरोपित ३ महिलाहरुको सुनसरी जिल्ला अदालतबाट पकाउ अनुमति लिई खोजी कार्य भइरहेको र अन्य मानिसहरुको सम्बन्धमा समेत अनुसन्धान भइरहेकाे प्रहरी नायव उपरिक्षक बुद्ध श्रेष्ठले बताए ।
गत कात्तिक ३ गते मृतक उषा राईलाई आरोपित उर्मिला राई, रत्न लिम्बु, सिर्जना राई, मिना राई, निरकुमारी गुरुङ समेतका महिलाहरुले कुटपिट गरी घाइते बनाएका थिए ।
उषा राईको उपचारको क्रममा विपी कोइराला स्वास्थ्य विज्ञान प्रतिष्ठान धरानमा मंसिर १३ गते मृत्यु भएको थियो ।