पाँचथर । पाँचथरस्थित फिदिम नगरपालिका वडा नं ८ घुमाउनेटारकाे मेघबहादुर गुरुङको घरमा गएराति आगलागी हुँदा २ जनाको मृत्यु भएकाे छ ।
मेघबहादुरसहित २ जना घाइते भएका छन् ।
मृत्यु हुनेमा मेघबहादुका २२ वर्षीय छोरी ममता गुरुङ र २३ बर्षकी बुहारी आशासिंह थेबे (गुरुङ) रहेकाे जिल्ला प्रहरी कार्यालय पाँचथरले जनाएको छ ।
मेघबहादुर र उनका छोरा बिजेन्द्र गुरुङ घाइते भएका हुन् ।
जिल्ला प्रहरी कार्यालय पाँचथरका प्रमुख हरि खतिवडाका अनुसार सो घरमा ७ जना सुतेका थिए । ३ जना भने भाग्न सफल भएका थिए ।
आगलागीबाट घर पूर्णरुपमा ध्वस्त भएकाे छ । आगलागीकाे कारण खुल्न सकेकाे छैन । घटनामा ५० लाख रुपैयाँ भन्दा धेरै आर्थिक क्षति भएको प्रहरीको प्रारम्भिक अनुमान छ ।