खोटाङ । साकेला गाउँपालिका वडा नं ३ तावाभञ्याङमा रहेको वाबु पोखरीको मर्मत तथा सरसफाइ गरिएको छ ।
गाउँपालिकाका अध्यक्ष रविप्रकाश राई, उपाध्यक्ष बिर्सिका राई, वडाअध्यक्ष गोविन्द तामाङलगायत जनप्रतिनिधि तथा स्थानीय समुदायले जनश्रमदान गरी वाबु पोखरीको सरसफाइ गरिएको हो ।
वाबु पोखरी मुन्धुम ट्रेलसँगै रहेको छ । मुन्धुम ट्रेलमा हिँड्ने पर्यटकहरुले किराती संस्कृति झल्किने वाबु पोखरी देख्ने गर्छन् ।
हाल बर्खायामकाे पानी र बाढी पोखरीमा पस्दा पोखरीको केही भाग पुरिनुका साथै माथिल्लो भाग बिग्रिएको थियो ।
