किरात बायुङ राई सुम्निखिमले शुक्रबार [५ जनवरी] तेस्राे वार्षिकाेत्सव मनाएकाे छ ।
काठमाडाैंस्थित सुम्निखिमकाे केन्द्रीय कार्यालयमा ज्ञान बायुङ राईकाे अध्यक्षतामा एक कार्यक्रमकाे आयाेजना गरी वार्षिकाेत्सव मनाएकाे हाे ।
कार्यक्रममा जिमी राई उत्थान समाज [साेलु]का केन्द्रीय अध्यक्ष बायुङ सेचोचा राई प्रमुख अतिथि, किरात प्रज्ञा परिषद्का उपकुलपति एवम् दुमी किरात राई फन्सिखिमका केन्द्रीय अध्यक्ष डा. नेत्रमणि दुमी राई विशेष अतिथि लगायत थिए ।
प्रचार विभाग प्रमुख रविन बायुङ राईले सञ्चालन गरेकाे कार्यक्रममा उपाध्यक्ष दिपक बायुङ राईले स्वागत मन्तव्य राखेका थिए ।
साे अवसरमा प्रत्येक वर्ष प्रकाशन हुने संस्थाको मुखपत्र चासुवाकाे लोकार्पण गरिएकाे थियाे । साे क्रममा संस्थागत गतिविधिबारे खोज तथा अनुसन्धान विभागका प्रमुख लोक बायुङ राईले जानकारी गराएका थिए ।
कार्यक्रममा प्रमुख अतिथि विशेष अतिथिका साथै सांस्कृतिक अभियान्ता मणि बान्तावा राईले शुभकामना दिएका थिए ।
राष्ट्रिय जनगणना २०७८ को तथ्यांकमा पहिलो पटक बायुङ भाषा समेटिएका छ ।
जसमा बायुङ राई मातृभाषा बोल्नेको संख्या १४ हजार ४४९ रहेको छ । यस्तै गरी दोस्रो भाषाकाे रूपमा बायुङ भाषा बोल्नेकाे संख्या १५ हजार १०४ र पुर्खाको भाषाकाे रुपमा बायुङ भाषा लेखाउनेकाे संख्या १५ हजार २९० रहेकाे छ ।
राम्रो काम सधै यसैगरि राम्रो गर्दै जानू होला समग्र सुम्निखिम परिवारलाइ हैंसेमा होष्ठे छ।