स्वास्थ्य बीमा कार्यक्रममा आबद्ध नागरिकले अब दुई लाख रुपैयाँसम्मको उपचार सुविधा पाउने भएका छन्।
स्वास्थ्य तथा जनसङ्ख्या मन्त्री प्रदीप पौडेलले हालसम्म एक लाख रुपैयाँमा सीमित यो सुविधा आगामी साउन १ गतेदेखि दोब्बर बनाइने बताएका छन्।
मन्त्री पौडेलले आठ प्रकारका गम्भीर रोगका बिरामीका लागि उपचार खर्च दोब्बर बनाइएको जानकारी दिए।
अब क्यान्सर, मुटुरोग, मिर्गौला रोग, टाउको र मेरुदण्डको चोट (हेड इन्जुरी र स्पाइनल इन्जुरी), सिकलसेल एनिमिया, पार्किन्सोनिज्म र अल्जाइमर रोग भएका बिरामीले दुई लाख रुपैयाँसम्मको उपचार सुविधा पाउनेछन्।
