खोटाङमा ‘भ्वाइस अफ नेपाल–३’ का प्रतिस्पर्धी ज्वाला राईलाई जिताउन अभियान समिति गठन गरिएको छ ।
आज एलबी मगरको संयोजकत्वमा ‘ज्वाला राई जिताऔं अभियान समिति’ गठन गरिएको हो ।
छिमेकी जिल्ला भोजपुर घर भएका ज्वाला राई एक प्रतिभाशाली व्यक्ति भएकोले उनलाई भोट गरेर जिताउन समितिले अपिल गरेको छ ।
समितिले एक प्रेस विज्ञप्ति जारी गरी मोबाइलको म्यासेज बक्समा गई ०६ लेखेर ३७००० मा पठाउन या प्रभुपे एप डाउनलोड गरी सो एपबाट ज्वाला राईलाई भोट गर्न अपिल गरेको हो ।
भ्वाइस अफ नेपालको फिनाले आगामी शनिबार हुँदैछ ।
यस प्रतियोगिताको फिनालेमा ज्वाला राईसहित तारा श्रीस मगर, आर्यन तामाङ र किरण जगमेरले प्रतिस्पर्धा गर्दैछन् ।
हाल चारै जना प्रतियोगीहरुको समर्थकहरुले भोट अभियान चलाइरहेका छन् ।
जसले बढी भोट प्राप्त गर्छ उसैले उपाधि प्राप्त गर्ने भएकाले सकेसम्म चारैजनाका समर्थहरुले अधिक भोट जुटाउने कसरत गरिरहेका छन् ।
