बलात्कारको अभियोगमा पक्राउ परेका अभिनेता पल शाहका म्यानेजर कृष्णप्रसाद जोशी पनि पक्राउ परेका छन् ।
जिल्ला प्रहरी कार्यालय तनहुँले आज तनहुँबाट जोशीलाई पक्राउ गरेको हो ।
जोशीले विभिन्न युट्युबमा अन्तर्वार्ता दिएर पल शाहकाे अनुसन्धान प्रभावित पार्न खोजेको र अभियुक्तको मतियार बनेको भन्दै प्रहरीले उनलाई पक्राउ गरेको हो ।
जोशीलाई आजै ७ दिन थुनामा राख्ने अनुमति लिएर प्रहरीले अनुसन्धान थालेको छ । अभिनेता शाहमाथि एक जना गायिकालाई पटक पटक बलात्कार गरेको आरोप लागेको छ ।
