धरान । धरान उपमहानगरपालिकाका प्रमुख हर्कराज राई (हर्क साम्पाङ)ले धरानमा अब हावाबाट विजुली निकाल्ने बताएका छन् ।
उनले धरान उपमहानगरपालिका वडा नं २० विष्णुपादुकामा हावाबाट विजुली निकाल्ने नमूना प्रोजेक्ट सुरु गर्न लागेको जानकारी दिएका छन् ।
सामाजिक सञ्जालमा क्रियाशील रहँदै आएका प्रमुख साम्पाङले सोमबार ट्वीट गर्दै सो जानकारी दिएका हुन् ।
उनले हावाबाट विजुली निकाल्ने प्रोजेक्टले विष्णुपादुकालाई आन्तरिक पर्यटकीय क्षेत्रको रुपमा आकर्षित गर्ने उल्लेख गरेका छन् ।
हावाबाट विजुली निकाल्ने नमुना प्रोजेक्टको शुरुवात धरान २० मा गर्दैछौँ ! यसले आन्तरीक पर्यटकलाई विष्णुपादुका क्षेत्र तिर आकर्षित गर्नेछ ! जय धरान ! जय श्रमदान !
— Hark Sampang A revolution (@hark_sampang) January 9, 2023
