मुन्दुम ट्रेल भ्रमण वर्ष–२०२५ मनाउने तयारी सुरु गरिएको छ ।
मैयुङ ट्याम्के साल्पा सिलिचुङ पर्यटन प्रवद्र्धन केन्द्रका अध्यक्ष रमेश कुमार राईले सन् २०२५ लाई मुन्दुम ट्रेल भ्रमण वर्षको रुपमा मनाउने तयारी गरिएको जनाए ।
उनले १ लाख आन्तरिक तथा बाह्य पर्यटक भित्राउने लक्ष्यसहित मुन्दुम ट्रेल भ्रमण वर्ष मनाउने तयारी गरिएको बताए ।
उनका अनुसार एक पर्यटकको औसत २० हजार खर्च हुनेछ ।
उनले अब स्थानीय सरकार र सरोकारवाला घनीभुत छलफल र अन्तरक्रिया गरी अघि बढ्ने पनि बताएका छन् ।
मुन्दुम ट्रेल भोजपुर, खोटाङ, सुलुखुम्बु, संखुवासभा, सुनसरी, उदयपुर, र धनकुटाको समृद्धिको आधार बन्ने अपेक्षा गरिएको छ ।