जनता समाजवादी पार्टी नेपालले गत मंसिर ४ गतेको निर्वाचनको समिक्षा, पार्टीको विधान अधिवेशनलगायत विषयमा छलफल गर्न आगामी पुस १८ र १९ गते राजनीतिक समितिको बैठक बोलाएको छ ।
बैठक ललितपुरको बालकुमारीस्थित पार्टी कार्यालयमा बिहान ११ बजेदेखि सुरु हुनेछ ।
बैठकमा मंसिर ४ गते सम्पन्न प्रतिनिधिसभा र प्रदेशसभा सदस्य निर्वाचनको समिक्षा, पार्टीको विधान अधिवेशन, पार्टी संगठन तथा आगामी कार्यदिशा लगायत एजेन्डामा छलफल हुने राजनीतिक समिति सदस्यहरुलाई जारी गरिएको परिपत्रमा उल्लेख छ ।
