नेपाली कांग्रेसका केन्द्रीय सदस्य तथा कोशी प्रदेशसभा सदस्य भीम पराजुलीले छठ पुजामा हिन्दु राज्यको माग राख्दै विराटनगर महानगरपालिका–३, पोखरीयास्थित शिव पाँचायान मन्दिरबाट सिंघियाघाटसम्म घिस्रिएर प्रणाम यात्रा गरेका छन् ।
पराजुली २०७९ को निर्वाचनमा मोरङ क्षेत्र नं ४ (२) बाट प्रदेशसभा सदस्यमा निर्वाचित भएका थिए ।
उनले लसुन र प्याज समेत नखाने गरेको उनको सचिवालयले जनाएको छ । उनले नेपाललाई हिन्दु राष्ट्र नबनाएसम्म विकास र शान्ति नहुने बताएका छन् ।
उनले यसअघि पनि १८ पटक घिस्रिएर प्रणाम यात्रा गरेको बताइएको छ ।
पराजुलीले धर्ममा आधारित राजनीतिक विचार कसैले कहिल्यै दबाउन नसक्ने उल्लेख गरेका छन् ।
