जनता समाजवादी पार्टी नेपालका वरिष्ठ नेता अशोक राईले प्रतिगामी शक्तिहरु विजयी नबनून् भनेरै स्थानीय तहको निर्वाचनमा पाँच दलीय गठबन्धन गरिएको बताएका छन् ।
‘जनता समाजवादी पार्टी नेपाल, स्थानीय तह निर्वाचन-२०७९ परिचालन मूल समिति’का संयोजक समेत रहेका नेता राईले प्रतिगमनलाई परास्त गर्नुपर्ने समयको आवश्यकताले गठबन्धन गर्नुपरेको बताए ।
आज साल्पा अनलाइनसँग उनले स्थानीय तहमा स्वाभाविक र प्राकृतिक हिसाबले समझदारी भएको ठाउँमा गठबन्धन गरेर जाने र समझदारी हुन नसकेको ठाउँमा गठबन्धनभित्रका दलहरुको बिचमै पनि मित्रतापूर्ण प्रतिस्पर्धा हुने बताए ।
उनले देशैभर गठबन्धन गर्दा कतिपय ठाउँमा राम्रोसँग गठबन्धन भएको र कतिपयमा आफ्नाे पार्टीलाई उचित सिट नदिएकोले तितो अनुभव भइरहेको पनि बताए ।
सो क्रममा उनले विगतमा नेकपा एमाले नेतृत्वको सरकारले आवश्यक ऐन कानुन नै बनाएर प्रदेश र स्थानीय तहलाई पङ्गु बनाउने काम गरेको आरोप लगाए ।
प्रदेश र स्थानीय तहलाई संविधान अनुसार अधिकारसम्पन्न बनाउनुपर्नेमा जोड दिँदै उनले स्थानीय तहलाई विकास र समृद्धि प्राप्त गर्ने मूल आधार बनाउनुपर्ने बताए ।
बाँकी भिडियाेमाः
