जनता समाजवादी पार्टी नेपालका केन्द्रीय सदस्य पूर्ण बस्नेतले पार्टीका सांसदहरुलाई कार्यकर्ताहरुले कालो मोसो दल्ने समय आउन सक्ने बताएका छन् ।
पार्टी फुटको अवस्थामा रहेको र पार्टीका केही सांसदहरु त्यसमा संलग्न रहेको चर्चा चलिरहेकाे बेला बस्नेतले उक्त चेतावनी दिएका हुन् ।
उनले भने, ‘कहिले कुन रिसोर्टमा पुगेको छ, कहिले कुन होटेलमा पुगेकाे छ । पार्टीले विश्वास गरेर दिएको जिम्मेवारी र अवसरको केही सांसदहरुले निर्मम ढंगले दुरुपयोग गरेका छन् । आफ्नो स्वार्थको लागि पार्टीविरुद्ध जे पनि गर्न तयार हुनेहरुलाई फेरि पनि त्यस्तै कार्यमा संलग्न भए भने जहाँ भेट्याे त्यही कालो मोसो दल्नुपर्ने हुन सक्छ ।’
त्यस्ता अनुशासन तोड्ने सांसदहरुलाई त पार्टीले पो कारबाही गर्नु पर्ने हैन भन्ने प्रश्नमा उनले पार्टीले त्यसो गर्ने गरेको भए कालाे माेसाे दल्ने कुरा साेच्नै नपर्ने बताए ।