नेकपा एमालेको युवा संगठन ‘राष्ट्रिय युवा संघ’को कोशी प्रदेश अधिवेशनमा ‘कोशी प्रदेश’ लेखिएको व्यानर प्रयोग गरिएकोमा पहिचान पक्षधरहरुले अधिवेशन स्थलनजिक कालो झन्डासहित विरोध जनाएका छन् ।
प्रदेश नं १ पुनः नामांकन संयुक्त संघर्ष समितिले गत भदौ २१ गते विज्ञप्ति नजारी गरी व्यानरमा कोशी प्रदेश नलेख्न आग्रह गरेको थियो ।
यही भदौ २३ र २४ गते धरानमा भइरहेको राष्ट्रिय युवा संघको प्रदेश अधिवेशनमा कोशी प्रदेश लेखिएको व्यानर प्रयोग गरिएको भन्दै समितिमा आबद्ध अगुवाहरुले विरोध गरेका हुन् ।
विरोधमा उत्रिएका राष्ट्रिय जनमुक्ति पार्टी निकट विष्णु थामदेनले तत्काल कोशी लेखिएको व्यानर हटाउन आयोजकलाई माग गरेका छन् ।
उनले काेशी प्रदेश लेखिएकाे व्यानर प्रयाेग गरे पनि हलभित्र मात्रै गर्न भनेका छन् ।
उनका अनुसार पहिले कोशी प्रदेश लेखिएको व्यानर प्रयोग नगर्ने सर्तमा एमालेका नेताहरु सहमत थिए ।
