हामी १४ अप्रिल २०२१ देखि साल्पा अनलाइन डटकममार्फत नेपालकाे पत्रकारिता क्षेत्रमा प्रवेश गरेका छौं । हामी ठुलो उद्देश्य वा महत्वकांक्षी लक्ष्य लिएर यस क्षेत्रमा प्रवेश गरेका हैनौं । हाम्राे स्रोत, साधन र क्षमताले जति काम गर्न सक्छौं, त्यसमै सन्तुष्ट हुनेछौं ।
पत्रकारिता एउटा आन्दोलन वा अभियान पनि हो । जनतालाई सूचना दिने मात्र होइन, समाज र देश बदल्ने, सबै जातजाति र समुदायकाे न्याय र समानताकाे एउटा आन्दोलन हो । अर्को हिसाबमा, पत्रकारिता क्षेत्र व्यावसायिक र सेवामूलक दुवै हो । आर्थिक हिसाबले यो निकै जटिल र चुनौतीपूर्ण छ, सामाजिक तथा राजनीतिक हिसाबले यो संवेदनशील र महत्वपूर्ण छ । पत्रकार वा सञ्चारमाध्यमहरुले यी दुवै पक्षलाई सन्तुलन गरेर अघि बढ्नुपर्दछ ।
हामी पत्रकारिता क्षेत्रलाई मर्यादित बनाउने प्रयास गर्नेछौं । जनता र देशप्रति सधैँ जवाफदेही हुनेछौं । र, सामाजिक उत्तरदायित्वको सिद्धान्तमा आधारित व्यवसायिक पत्रकारिताको अभ्यास गर्नेछौं । पत्रकारिताको बिटको हिसाबले हामी अहिले सबै बिटमा काम गर्न सक्दैनौं । किनभने, हामीसँग सीमित स्राेत र जनशक्ति छ । हामी थोरै समाचार लेख्छाैं, तर पत्रकारिताको मूल्य र मान्यताभित्र रहेर तथ्य र निष्पक्ष समाचार प्रस्तुत गर्छाैं ।
यसका निम्ति हामीलाई तपाईंहरुकाे आफ्नाे कम्पनी वा व्यापार-व्यवसायकाे विज्ञापन उपलब्ध गराएर वा अन्य तरिकाले आर्थिक नैतिक सहयोग चाहिएकाे छ । तपाईं हामीलाई हाम्राे इमेल र फेसबुक पेजमार्फत पनि सुझाव र प्रतिक्रिया दिनुहोस् । हामी तपाईंहरुकाे सुझावलाई शिराेधार्य गरी अघि बढ्नेछौं ।
विजय चाम्लिङ – प्रकाशक तथा प्रधान सम्पादक,
साल्पा अनलाइन डटकम ।
यहाको बिचार प्रति मेरो पनि पूर्ण सहमति छ
धन्यवाद सर