जनता समाजवादी पार्टी (जसपा) ले केन्द्रीय समिति र राजनीतिक समिति पुनर्गठन गरेको छ ।
केन्द्रीय समिति ४६६ सदस्यीय र राजनीतिक समिति १५१ सदस्यीय बनाएको छ ।
गत असार २९ र ३० गते मधेस प्रदेशको वीरगञ्जमा आयोजित केन्द्रीय समितिको बैठकले यो निर्णय गरेको हो ।
जसपाले संघ र प्रदेशको निर्वाचनको लागि सातै प्रदेशमा संसदीय बोर्ड गठन गरेको छ ।
जसले पार्टीको तर्फबाट उम्मेदवार चयनको मापदण्ड निर्माण गर्ने, सम्भावित उम्मेदवारहरुको सूची बनाउने र सिफारिस भएर आएका नामहरुबाट उम्मेदवार छनोट गरी केन्द्रीय कार्यकारिणी समितिमा पेस गर्नेछ ।
जसपाले सबै प्रदेशमा काम गर्ने गरी निर्वाचन तयारी अभियान सचिवालय समेत निर्माण गरेको छ । जसको जिम्मा अलगअलग प्रदेशमा अलगअलग व्यक्तिलाई दिइएको छ ।
बैठकले विधान अधिवेशनबाट विधान पारित नहुँदासम्मका लागि विधान संशोधन गरी केन्द्रीय कार्यकारिणी समिति ५३ सदस्यीय रहने निर्णय गरेको छ ।
सो अघि ५२ सदस्यीय थियो ।
वीरगञ्जमा बसेको केन्द्रीय समिति बैठकले गरेका निर्णय कार्यान्वयन गर्न गराउन जसपाले गत साउन १८ गते पार्टी मातहतका संगठन तथा नेताहरुलाई परिपत्र गरेको थियो ।
म पनि यश पार्टीको वडा हुदै झापा जि. स. सम्म ६ बर्ष देखि थिए र छु । म त्यस्तो क्षेत्रमा छु । जुन स्थान/क्षेत्र जसपाकाे लागि अति उर्वर भुमी हाे तर हाम्रो संगठनकाे पिरामिड उल्टो छ । यसरी बसिदिनु पर्ने पिरामिड🔺 यसरी बसिरहेको छ🔻 जसको नतिजा पनि उल्टै आउँछ ।
फेरि पनि केन्द्र गठन भाे उल्टाे पिरामिड नै भाे नतिजा फेरि नि उल्टै आउने हाे ।
पार्टीले बुझ्न सकनु पर्छ संगठन बिस्तारमा भुमिका कस्काे राम्रो छ ? मुल्यांकन गर्नु सक्नु पर्नेछ अन्यथा अरु पार्टी र जसपामा फरक नै के ??
धन्यवाद संघिय अभिवादन