Sunday, December 4, 2022
9.7 C
Diktel

जसपाले सुरु गर्यो प्रदेश स्तरीय अभिमुखीकरण कार्यक्रम

Subtitle

जनता समाजवादी पार्टी, नेपालले बुधबार (भदौ ९) देखि प्रदेश स्तरीय अभिमुखीकरण कार्यक्रम सुरु गरेको छ ।

जसपाको गत भदौ १ र २ गते काठमाडौँमा सम्पन्न प्रथम केन्द्रीय समितिको बैठकले संगठन सुदृढीकरण तथा जनजागरण अभियान (सुज अभियान) को उद्घाटन गर्दै भदौ ९ देखि १७ गतेसम्म विभिन्न प्रदेशमा अभिमुखीकरण कार्यक्रम गर्ने निर्णय गरेको थियो ।

जस अनुसार बुधबार प्रदेश नं १ को विराटनगर र बागमती प्रदेशको काठमाडौँमा अभिमुखीकरण कार्यक्रम आयोजना गरिएको छ ।

विराटनगरमा केन्द्रीय समितिका अध्यक्ष उपेन्द्र यादव, वरिष्ठ नेता अशोक राई, कार्यकारिणी सदस्य महेन्द्र राय यादव र सुशीला श्रेष्ठले सम्बोधन गर्नेछन् ।

काठमाडौँमा संघीय परिषद् अध्यक्ष डा. बाबुराम भट्टराई, कार्यकारिणी सदस्य राजेन्द्र श्रेष्ठ, राजकिशोर यादव र हिसिला यमीले सम्बोधन गर्नेछन् ।

प्रदेश नं १ का नेता तथा कार्यकर्ताहरु विराटनगर केन्द्रित भएका छन् भने बागमती प्रदेशका कार्यकर्ताहरु काठमाडौँमा भेला भएका छन् ।

यदपि, काठमाडौँको कार्यक्रममा काठमाडौँमै बसोबास गरिरहेका देशभरकै नेता तथा कार्यकर्ताहरु सहभागी छन् ।

जसपाले भदौ ११ गते प्रदेश नं २ को जनकपुरमा र सूदुरपश्चिम प्रदेशको धनगढीमा, भदौ १३ गते लुम्बिनी प्रदेशको भैरहवामा, भदौ १५ गते गण्डकी प्रदेशको पोखरामा र भदौ १७ गते कर्णाली प्रदेशको सुर्खेतमा प्रदेश स्तरीय अभिमुखीकरण कार्यक्रम गर्ने भएको छ ।

जसपाले भदौ १ गते नै चार महिने सुज अभियानको पनि उद्घाटन गरेको छ ।

पार्टीबाट महन्थ ठाकुर र राजेन्द्र महतो बाहिरिनुका साथै देश निर्वाचनको सम्मुखतिर जाँदै गर्दा जसपाले सुज अभियान अघि सारेको हो ।

विराटनगरकाे कार्यक्रम । तस्बिरः दुर्गा सुवेदी
काठमाडाैँकाे कार्यक्रम । तस्बिरः डिबी सराेज
काठमाडाैँकाे कार्यक्रम । तस्बिरः डिबी सराेज
काठमाडाैँकाे कार्यक्रम । तस्बिरः डिबी सराेज

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्